Arsovski: Emrat e punonjësve honorar janë ruajtur nga fyerjet dhe abuzimet e mundshme

Emrat e punonjësve honorar të angazhuar nga Qeveria nuk janë publikuar sepse mund të ishin shënjestër e kritikave dhe kërcënimeve nga publiku, tha në emisionin “360 gradë” në Alsat, zëdhënësi i qeverisë Dushko Arsovski. Siç tha ai, ka pasur një abuzim me emrat në të kaluarën.

Në një kohë të polarizuar, për të thënë kështu, këta njerëz janë  shënjestër e mundshme sepse ne kemi pasur përvoja të tilla në të kaluarën. Ka ndodhur që emra të caktuar të linçohen nga qendra të ndryshme, etj. Në çdo rast, nuk e meritojnë nëse kryejnë detyrat e dhëna që u janë dhënë atyre kurse disa qendra, që kanë qëllime tjera, i quajnë tradhtarë ose bëjnë kërcënime të ndryshme,” tha Arsovski.