Borisov: Petkov bën marrëveshje sekrete dhe fshihet pas Parlamentit

Borisov: Petkov bën marrëveshje sekrete dhe fshihet pas Parlamentit

Gazetare: Andrea Cobanova

Kryeministri i Bullgarisë Kiril Petkov nuk është i aftë ta zgjidhë mosmarrëveshjen me Maqedoninë, thotë ish-kryeministri dhe lideri i GERB-it Bojko Borisov. Sipas tij, Petkovi u përpoq të merrej vesh për diçka sekrete dhe më pas doli se parlamenti vendosi në vend të tij. Edhe sot propozimi francez për heqjen e vetos të Maqedonisë së Veriut është një temë ofendimi mes autoriteteve bullgare.

E shihni poshtërsinë? Ai po përpiqet fshehurazi të rregullojë diçka që do të dalë në publik, e shihni se po ndodh, por jo se është i keq, por kështu ka vendosur parlamenti. Jo, edhe sot e kësaj dite është e qartë se Petkovi nuk mund të çojë përpara asgjë në lidhje me Maqedoninë e Veriut dhe Shqipërinë”, tha Bojko Borisov – kryetar i GERB.

Mediat në Bullgari raportojnë edhe qëndrimin e kryetarit të VMRO BND Karakaçanov, sipas të cilit BE-ja po ushtron presion poshtërues ndaj Bullgarisë dhe qeveria aktuale po përgatitet të kryejë tradhti kombëtare.

“Me propozimin francez problemi shtyhet për një kohë të pacaktuar dhe nuk do të zgjidhet kurrë në favor të Bullgarisë. Kontrolli mbi vendimin e Bullgarisë i është dorëzuar një personi të panjohur – administratës anonime të Brukselit. Prandaj VMRO-ja do të jetë këtu dhe do të mbrojë jo vetëm çështjen e Maqedonisë por edhe vlerat e sajuara evropiane”, ka shkruar Karakaçanov në Facebook.

Partneri i koalicionit të Petkovit, Hristo Ivanov, propozimin e vlerëson si të mirë për Bullgarinë, sepse kushtet në anën bullgare janë duke u përkeqësuar.

“Sipas propozimit, Shkupi duhet të angazhohet përpara BE-së ta ndryshojë kushtetutën dhe t’i regjistrojë bullgarët si një nga kombet shtetformues. Nëse Maqedonia nuk e bën këtë, nuk do të ketë negociata për BE-në, ne nuk do ta heqim veton. Dëshiroj që të gjithë të më dëgjojnë – ky është propozim jashtëzakonisht i mirë për Bullgarinë, të cilin ne jemi gati ta hedhim në koshin e plehrave sepse aktualisht jemi në një skandal të brendshëm”, deklaroi Hristo Ivanov – kryetar i Bullgarisë Demokratike.

Propozimi francez është dorëzuar dy ditë më parë në Bullgari dhe në vendet e tjera anëtare të BE-së si përpjekje për zgjidhjen e mosmarrëveshjes Sofje-Shkup. Qëndrimi i Petkovit është se propozimi duhet të shpallet nga Kuvendi Kombëtar dhe çfarëdo vendimi të marrë do të transferohet në Bruksel javën e ardhshme./Alsat.mk

 

LEXO EDHE:

Back to top button