Bullgaria e konfirmoi pozitën për kornizën negociuese për Maqedoninë

Qeveria bullgare dje në seancë të jashtëzakonshme onlajn e konfirmoi qëndrimin e Sofjes zyrtare për kornizat negociuese për aderimin e Maqedonisë së Veriut dhe të Shqipërisë në BE, që duhet të shqyrtohen në takimin e Këshillit për punë të përgjithshme më 17 nëntor, kumtoi pres-shërbimi qeveritar.

- Advertisment -

“Bullgaria është ndër përfaqësuesit më të fuqishëm të procesit të zgjerimit të Bashkimit Evropian. Vendi ynë e ngriti temën lartë në agjendën e BE-së gjatë kryesimit të saj me Këshillin e Evropës në vitin 2018. Perspektiva evropiane është motivimi më i fortë për kalimin në qeverisjen demokratike dhe një ekonomi tregu në Ballkanin Perëndimor, sipas një deklarate të shkurtër nga mbledhja e qeverisë”.

Nuk kumtohen më shumë informacione, ose detaje lidhur me pozitën e konfirmuar. Në takimin e fundit të ambasadorëve të BE-së më 6 nëntor, Bullgaria e kundërshtoi miratimin e kornizës negociuese për Maqedoninë e Veriut. Soja e informoi Brukselin se nuk ishte në gjendje të pranonte kornizën e propozuar të negociatave dhe draft deklaratën shoqëruese, duke shpjeguar se ata nuk siguruan garancitë e nevojshme për plotësimin e kushteve bullgare. Bullgaria ka vërejtje për moszbatimin e Marrëveshjes për Fqinjësinë e Mirë, për çështje historike, por edhe për gjuhën dhe identitetin maqedonas.

Këshilli për Çështje të Përgjithshme të BE-së, në të cilin duhet të miratohet korniza negociatore, ishte planifikuar fillimisht për 10 nëntor, por u shty për 17 nëntor, duke i dhënë Shkupit, Sofjes dhe kryesimit gjerman kohë shtesë për të lëvizur më pranë pozicioneve të tyre dhe për të arritur marrëveshje reciprokisht e pranueshme, e cila do të hiqte rezervat bullgare.

LEXO EDHE:

Back to top button