DASH apelon tek shtetasit amerikanë që të kenë kujdes nga sulmet në Ballkan, përfshirë Kosovën

Departamenti Amerikan i Shtetit ka publikuar një njoftim për të gjithë shtetasit e saj përmes faqestravel.state.gov, ku bëhet thirrje për kujdes të shtuar të lëvizjeve në vendet e Ballkanit, përfshirë Kosovën.

Në të dhënat e kësaj faqeje të publikuar më 22 nëntor, thuhet se shtetasit amerikanë duhet të kenë kujdes dhe t’i rishqyrtojnë udhëtimet për në Mitrovicë të Veriut, Zveçan, Zubin Potok e Leposaviç për shkak të tensioneve dhe potencialit për trazira civile në atë pjesë.

Përveç zonës së veriut të vendit, Departamenti Amerikan i Shtetit këshillon qytetarët amerikanë që të kenë kujdes dhe t’i rishqyrtojnë vizitat në vende të tjera si qendra tregtare, klube, restorante dhe zona të tjera për shkak të sulmeve potenciale nga grupe terrorise.

“Grupet terroriste vazhdojnë të komplotojnë sulme të mundshme në rajonin e Ballkanit, përfshirë Kosovën. Terroristët mund të sulmojnë me pak ose aspak paralajmërim, duke synuar vendndodhje turistike, qendra transporti, tregje/qendër tregtare, objekte të qeverisjes vendore, hotele, klube, restorante, vende kulti, parqe, ngjarje të mëdha sportive dhe kulturore, institucione arsimore, aeroporte dhe të tjera hapësira publike”, thuhet në udhëzimet e publikuara.

Kjo thirrje është bërë pas asaj që qytetarët amerikanë që ndodhen në vendet e Ballkanit që të kenë kujdes nga COVID-19.

Ndërsa, alarmet e njëjta për kujdes vlejnë edhe për qytetarët amerikanë në Bosnje e Hercegovinë, por jo edhe në Shqipëri, Serbi e Maqedoni të Veriut.