fbpx

Filipçe: Vaksina për KOVID-19 nuk do të jetë e obligueshme

Ministri i Shëndetësisë, Venko Filipçe potencoi se atëherë kur vaksina për KOVID-19 do të jetë e qasshme për vendin tonë, ajo nuk do të jetë e obligueshme, por theksoi se ai dhe familja e tij do të vaksinohen. Vaksina, tha Filipçe, zhvillohet në platformë të sigurt. Ajo tani është në fazën e tretë të analizës, është parë se jep antitrupa, por duhet të pritet që të shihet sa do të zgjasin ato që të mësohet nëse do të duhet një ose dy doza.

“Vaksina nuk është në kalendar dhe nuk do të jetë e obligueshme, të paktën jo në fillim. Do të shohim si do të zhvillohen punët, cilat do të jetë rekomandimet”, tha Filipçe në intervistë për televizionin Kanal 5.

Por, siç tha, është shumë me rëndësi të shihet se madje tani të gjithë e kuptojnë sa është me rëndësi të ketë vaksinë për ndonjë sëmundje. Për shkak të ekzistimit të vaksinës tek ne për vetëm gjashtë muaj përfundoi epidemia e morbilit, ndërsa tani për KOVID askush nuk ka një instrument të tillë dhe prandaj pandemia nuk mund të përfundojë.

Për qasjen deri tek vaksina për koronavirusin, siç tha, ekzistojnë dy mekanizma. Njëri përmes OBSH mekanizmit i quajtur KOVAKS, përmes të cilit kjo organizatë obligohet në mënyrë të barabartë të distribuojë vaksinë deri tek të gjitha vendet derisa nuk vaksinohet 20 për qind e popullatës.

Si mënyrë tjetër e mbrojtjes para periudhës së ardhshme të vjeshtës kur priten edhe ftohje, grip sezonal dhe infeksione të tjera, ministri Filipçe theksoi se kanë planifikuar për sivjet të sigurohen dyfish më shumë doza se vitin e kaluar. Kështu sivjet do të ketë 6- mijë doza falas të vaksinave për gripin sezonal.

LEXO EDHE:

Back to top button