Heshtje në Gjykatën Kushtetuese për shtesën prej 500 euro për secilin gjykatës

Të gjithë ngrenë supet, askush nuk sqaron se prej ku dhe nëse Gjykata Kushtetuese ka buxhet për t’i dhënë 500 euro shtesë secilit gjykatës veç e veç. Megjithëse pyetëm në Ministrinë e Financave në detaje, mbi çfarë norme dhe mbi çfarë baze do të gjenden para për këto shtesa, ata dërguan këtë përgjigje:

- Advertisment -

Gjykata Kushtetuese, si organ i veçantë kushtetues, ka një buxhet që administron dhe përgjigjet në mënyrë të pavarur -njoftojnë nga Ministria e Financave.

Të gjitha institucionet kompetente nuk kanë asnjë përgjigje nëse ekziston bazë ligjore kushtetuese për të paguar këto shtesa. As Qeveria, as Ministritë e Drejtësisë dhe Financave nuk kanë përgjigje konkrete se si Rregullorja e Procedurës së Gjykatës u bë Ligj i shpallur në Gazetën Zyrtare. Në vend që të shpjegonte, Gjykata Kushtetuese vendosi të përballet me mediat.

“Kryetari i Gjykatës Kushtetuese, Sali Murati është ende i pakapshëm për gazetarët, pasi dje kritikoi se qëndrim nga gjykata është kërkuar pas njoftimit se kanë ndarë shtesë të pagës prej 35%. Megjithatë, heshtja nga gjykata vazhdoi edhe sot”.

Nga Kushtetuesja nuk sqarojnë pse nuk ka zgjidhje ligjore për shtesat e pagave, por ato ndahen përmes Rregullores. Mbetet e paqartë pse një gjykatës kushtetues merr pagë 2000 euro nga paratë publike në kohë të krizës shëndetësore dhe ekonomike. Sipas Sindikatës së administratës gjyqësore, gjykatësit kushtetues me shtesat e pagave përmes Rregullores së Punës të gjykatës shkelin ligjin. Sipas sindikatës, paga rregullohet me ligj ose me marrëveshje kolektive.

Për ne është i pabazë pohimi i Gjykatës kushtetuese se shtesa të rrogave mund të përcaktohen edhe me rregullore pune. Sindikata është absolutisht kundër mënyrës së këtillë të veprimit të Gjykatës Kushtetuese – thonë nga Sindikata e SPOGJ.

Edhe Komisioni shtetëror për parandalimin e korrupsionit e cila e ndjek veprimin e Gjykatësve kushtetues, u prononcua se përmes Rregullores së punës nuk paguhen shtesa të rrogës.

Igor Stefanovski

LEXO EDHE:

Back to top button