Nga sot fillojnë të punojnë lokalet dhe restorantet, por vetëm në ambientet e jashtme

Objektet hotelierike prej sot do të mund t’i hapin tarracat dhe të punojnë deri në orën 20:30. Prej sot nuk vlen edhe ndalesa për organizimin, mbajtjen dhe pjesëmarrjen në seminare, trajnime, punëtori, kurse, konferenca dhe ngjarje të tjera të këtij lloji. Ndërkohë që edhe transporti publik do të qarkulloj deri në ora 21:00, kur edhe fillon ora policore e cila do të zgjas deri në ora 05 të mëngjesit.