Me rastin e festës së Pashkëve Gigi Hadid shpërndau një fotografi të së bijës

Gigi Hadid dhe Zayn Malik u bënë prindër për herë të parë në shtator të vitit të shkuar. Çifti i famshëm u bekuan me një vajzë, e cila erdhi në jetë në fermën e familjes Hadid. Për muaj të tërë Gigi e mbajti të fshehtë emrin e vajzës, derisa fansat e mësuan rastësisht nga Instagrami i saj. Supermodelja e zbuloi emrin unik në një mënyrë shumë delikate – duke shtuar fjalët “Mamaja e Khai” në bion e saj të Instagramit në 21 janar.

Gjatë gjithë këtyre muajve, Gigi është treguar shumë e rezervuar dhe fotot me vajzën numërohen me gishtat e njërës dorë. Së fundmi me rastin e Pashkës, ajo ka ndarë një foto të adhurueshme të vogëlushes. Në imazhin e publikuar e vogla shihet e veshur me një kostum lepurushi, me veshë dhe bisht.

“Lepurushi ynë i vogël. Pashka e parë”, shkroi Gigi përkrah fotos së të bijës.

Edhe këtë herë ajo ja kishte fshehur fytyrën, duke qenë se çifti përpiqet ta ruajë në maksimum privatësinë. Pas publikimit ajo ka marrë qindra komente nga ndjekës dhe persona të afërt që kanë rënë në dashuri me foton e të voglës.

Kujtojmë se në një intervistë të dhënë për “Vogue”, Gigi ka treguar se lindja e vajzës ka qenë aq e vështirë, aq sa nuk e ka ndjerë fare kur ka ardhur në jetë.

“Një moment po mendoja se lindja me epidural do të ishte më e thjeshtë. Por mamia më pa dhe më tha: ‘Ti po ja del. Asgjë nuk do të të ndihmojë, kështu që duhet të shtysh njësoj si në një shtrat spitali”, tregoi Gigi.

“Nuk e ndjeva aspak kur ajo doli. Isha shumë e lodhur. Vetëm ngrita kokën dhe pashë Zayn duke e mbajtur në krahë. Ishte e mrekulleshme”, ka thënë Gigi.

 

View this post on Instagram

 

A post shared by Gigi Hadid (@gigihadid)

LEXO EDHE:

Back to top button