Kрилниот напаѓач на ПСВ Ајндховен, Јохан Бакајоко, е цел на англиските гиганти Манчестер Сити и Ливерпул, пренесува „Скај Спорт Германија“.
Според изворот, во трката е и Челси, меѓутоа двата клуба кои се борат и за шампионската титула се во предност. 20-годишниот Белгиец е желба и на францускиот првак Париз Сен Жермен, а среќата ќе си ја испроба и Борусија Дортмунд. Трансферот на играчот ќе чини околу 60 милиони евра.
Бакајоко оваа сезона одигра 40 натпревари, постигнувајќи осум гола и 13 асистенции. Договорот на играчот со ПСВ е до крајот на јуни 2026 година.