Годинава помал број печалбари од вообичаеното за празниците се вратија во земјава

Враќањето на печалбарите за Новогодишните празници, иако во мал број, има позитивен ефект врз малите бизниси. Сопствениците на бизнисите велат дека веќе го чувствуваат зголемувањето на прометот. Некои бизнисмени велат дека без печалбарите, нивниот бизнис може да се намали до 80%.

„Доаѓањето на печалбарите секако има позитивен ефект, секако дека имаме приходи од нив и тоа ни помага во нашите бизниси, но недоаѓањето како што беше во текот на летото кога тие не можеа да дојдат, влијаеше негативно на нашите бизниси. Ако не дојдат до 30-40%, имаме помалку продажба. За жал, го имавме тој проблем во текот на летото“…

„Старата чаршија зависи од печалбарите и оваа година влијаеше многу. Некаде околу 50 проценти, 50 проценти од профитот ќе биде помал ако не дојдат печалбарите“…

„Ако летото беше со пад од 80 проценти, сега ќе биде уште повеќе затоа што е зима, студено, свадби има се помалку, печалбарите ќе дојдат помалку. Секако дека ќе биде повеќе од 80%”, рекоа анкетираните лица.

Дурим Зеќири од Стопанската комора на северозападна Македонија, вели дека за време на контактите со претставници на мали бизниси, тие велат дека нивниот бизнис започнал да заживува минатата недела.

„Очигледно е дека нешто започна да се придвижува во позитивен аспект, и покрај фактот дека бројот на печалбари кои ја посетиле земјата во овој период не е ни приближно каков што беше претходните години, но ефектот е непосреден и забележлив. особено во микро, малите бизниси и во комуникацијата со нив имаме позитивен ефект. Но, ние како комора сè уште имаме дилема дали е доволно ова”, вели Зеќири.

Зеќири вели дека, во нормален и неограничен период, дознаките што доаѓаат од печалбарите достигнале стапка до 15 проценти од БДП. Годишно тие обично достигнуваат до една милијарда евра. Во меѓувреме, сега во време на пандемија, според претставниците на Стопанската комора на Северозападна Македонија, со доаѓањето на дијаспората во татковината, покрај заживувањето на економската активност, се намалува и годишниот дефицит. Додека во времето на пандемијата, колку е поголем недостатокот на дознаки, толку потешко ќе биде враќањето на економијата, која страдаше многу од пандемијата „Ковид 19“.
Голем број европски земји ја ставија Северна Македонија на списокот на земји, чие патувања ќе ги чини нивните граѓани карантин при враќањето.

Мефаил Исмаили