СДСМ: Со Давкова нема да има позитивни промени за членството во ЕУ

Од СДСМ потенцираа дека на претстојните претседателски и парламентарни избори ќе се бира правецот на државата. Според владејачката партија, гласот за ВМРО-ДПМНЕ и Гордана Силјановска Давкова ќе биде глас за повторна изолација на земјата.

„Доволно е само да се погледне што се случи во Скопје. ДПМНЕ не донесе никаква позитивна промена, не донесе никаква реформа, само катастрофа. Ист е примерот и со предлогот за претседателски кандидат на опозицијата во ликот на Давкова. ДПМНЕ не може да донесе никакви позитивни промени затоа што единствената шанса за Македонија е членството во ЕУ – а тие се против тоа. Со ДПМНЕ нема ЕУ ниту за 100 години“, изјави Богданка Кузеска – СДСМ.