Црвенковски: Скандалозно интервју на Заев!
Поранешниот претседател на СДСМ, премиер и шеф на државава, Бранко Црвенковски денеска во јавно обраќање до неговите сопартијци реагираше за искажаните ставови на Заев во вчерашното интервју за бугарски медиум. Според Црвенковски, интервјуто било скандалозно и предизвикува огромна штета и последици за македонскиот народ и за државата. Црвенковски ги повикува неговите сопартијци да стават јасно на знаење дека ставовите на Заев не се ниту ставови на целата Влада, ниту на целиот државен врв.
„Ако нема никаква реакција, ставовите на Заев ќе станат ставови застапувани од целиот СДСМ, а бидете убедени тоа ќе има катастрофални последици по партијата и што е уште полошо по државата“, напиша Црвенковски. Тој бара итно да се свика Централниот одбор на партијата и да се донесе заклучок дека искажаните ставови на Заев не се ставови ниту на Централниот одбор, ниту на СДСМ.
