„Влегоа во руско сценарио“ – Жесток судир во „Патот кон“ меѓу ДУИ и АА
Вечерва во „Патот кон“ на Алсат се води жестока дебата меѓу претставници на власта и опозицијата, во врска со блокирањето на Собранието.
Освен ВМРО и СДСМ, кои разменија остри реплики, ниту ДУИ и АА не се воздржаа од меѓусебни обвинувања и контра обвинувања. Тие отидоа дотаму што споменаа и вовед во руско сценарио.
Токму Арбр Адеми од Демократската унија за интеграција рече дека опозицијата е влезена во руско сценарио, притоа нагласувајќи дека блокирањето на Собранието дошло како резултат на Алијансата за Албанците чии пратеници не учествувале на седниците.
„Ги повикувам да престанат со ова институционално насилство и блокада на државата. Логично е стратешките партнери на АА, поточно ВМРО, Левица, да го спроведуваат она што го предупредија, а Талат Џафери ја спречува Алијанса и го вели спротивното. Блокадата е резултат на неучеството во Собранието на Алијансата и повторно велам, Русија ја најде С Македонија како покревка и свесно или несвесно влезе во руско сценарио. Значи опозицијата влезе во такво сценарио, цела Левица, коалиција (ВМРО, АШ, Левица, Беса)“, рече Адеми.
Следување реакција на Халил Снопче од Алијанса за Албанците, кој му порача на Адеми дека Зијадин Села го изгласал Талат Џафери за претседател, а не Али Ахмети. Додека според неговата партија главен блокатор на Собранието е самиот Талат Џафери.
„Никој не го поставува прашањето кој е главниот блокатор на парламентот. Така кажуваме по име и презиме, главен блокатор на Собранието е претседателот на Собранието Талат Џафери“, рече Снопче.
„Да ве потсетам дека за Талат Џафери гласаше Зијадин Села, а не Али Ахмети и видовме што направија вашите проруски партнери, дека вие сте партнери на Русија. Имаат тенденција да го земат ВМРО и секоја соработка со ВРМО да ни се припише дека е антиалбанска, забораваат дека сите обвинувачи за вмровски антиалбанизам датираат од времето на Груевски кога тие (ДУИ) беа партнери со нив. Па тоа се тие соработници“, продолжи тој, одговарајќи му на Адеми.
