“Organizatorët e 27 prillit”, Zvërlevski thotë se nuk ka pasur takime me Atanasovskin

Për rastin “Organizatorët e 27 prillit” sot dëshmoi Ish-prokurori Marko Zvërlevski. Ai u thirr me sugjerim të ish-drejtorit të DSK-së, Vlladimir Atanasovski. Zvërlevski tha se nuk ka pasur takime me Atanasovskin derisa ka qenë në krye të policisë sekrete, por më herët ndërsa ka qenë drejtor i Agjencisë së Inteligjencës Financiare. I dënuari Aleksandar Vasilevski – Ninxha në të kaluarën gjatë dëshmisë së tij për organizimin e 27 prillit të përgjakshëm, pohonte se i pranishëm në selinë e VMRO-DPMNE-së në ditën kritike ka qenë edhe Zvrëlevski. Si organizatorë, përveç Vladimir Atanasovskit, akuzohen edhe ish-kryetari i Kuvendit Trajko Veljanoski dhe ish-ministrat Mile Jankieski dhe Spiro Ristovski.