Pse Adele vendosi t’i rikthehet psikoterapisë: “Kur jam në turne nuk jam një artiste e madhe”

Adele ka pasur gjithmonë një marrëdhënie të privilegjuar me fansat e saj. Dhe pikërisht për ta ajo ka rezervuar gjithmonë deklaratat më intime dhe personale. Të premten e kaluar, me rastin e eventit muzikor në Las Vegas, të quajtur Weekends with Adele, në të cilin ajo shfaqet, këngëtarja tregoi para publikut se ka filluar të ndjekë sërish terapinë psikologjike.

Artistja nga Londra tha se pas divorcit nga ish-bashkëshorti Simon Konecki (babai i djalit të saj 10-vjeçar Angelo), ajo bënte 5 seanca terapie në ditë. Më pas, ajo ndërpreu terapinë dhe iu përkushtua një romance të re me agjentin sportiv Rich Paul.

Megjithatë, tani këngëtarja ka pranuar për fansat se është rikthyer në terapi. Ka dy arsye për këtë: nga njëra anë, Adele dëshiron të mësojë të marrë përgjegjësinë për zgjedhjet e saj dhe nga ana tjetër, ajo dëshiron të ndihet plotësisht e vetëdijshme kur performon në koncerte, të mësojë të menaxhojë ankthin e skenës dhe të jetë në gjendje t’i kushtohet veten për fansat e saj.. Adele pranon se edhe pse ka një audiencë të madhe, ndihet në ankth para çdo shfaqjeje.