Qyteti i Milanos mund të ndalojë shitjen e picave dhe akulloreve pas mesnatës

Një nga qytetet më të famshme italiane po mendon që të ndalojë shitjet e picave dhe akulloreve pas mesnatës. Në përpjekje për të ulur zhurmën në qytet pas kësaj ore, Milano do të propozojë që dy nga ushqimet më të famshme italiane të mos lejohen në orët e vona.

Marco Granelli, një zyrtar lokal, u shpreh se qëllimi është që të gjendet një ekuilibër mes argëtimit të turistëve dhe qetësisë për banorët e qytetit. Banorët dhe bizneset që do të preken nga ky ndalim kanë kohë deri në maj për të bërë ankesa dhe për të sugjeruar ndryshime në ligjin e ri.