Shakira dhe Pique kanë arritur një marrëveshje për kujdestarinë e fëmijëve
Pas përfundimit të lidhjes 11-vjeçare, Shakira dhe Gerard Pique nënshkruan një marrëveshje kujdestarie për dy fëmijët e tyre në Barcelonë.
“Ne nënshkruam një marrëveshje për kujdestarinë. Qëllimi ynë i vetëm është t’u japim fëmijëve sigurinë dhe mbrojtjen maksimale, në mënyrë që ata të mund të vazhdojnë jetën e tyre në një mjedis të sigurt dhe të qetë”, thanë ata në një deklaratë të përbashkët. “Ne vlerësojmë që privatësia e tyre do të respektohet”, shtuan ata.
Dyzet e pesë vjeçarja Shakira kthehet të jetojë në Miami, Florida me djemtë e saj, raportoi La Vanguardia.
“U bë një sakrificë shumë e madhe dhe e rëndësishme, Gerard, për hir të fëmijëve të tij, më në fund ra dakord dhe i lejoi ata të jetonin në Shtetet e Bashkuara. Ata janë gjithmonë në radhë të parë për të”, tha Ramon Tamborero, avokati i Pique.
“Vendimi i gjykatës do të shkaktonte vetëm dhimbje. “Në realitet, askush nuk është fitues këtu përveç fëmijëve,” shtoi ai.
Ai pranoi se ishte shumë e vështirë për të arritur një marrëveshje, ata negociuan për 5 muaj për të hartuar një marrëveshje prej 20 faqesh që të nënshkruhet nga të dyja palët.
Fëmijët do të jenë me babanë e tyre gjatë tre periudhave të pushimeve gjatë vitit shkollor. Marrëveshja lejon gjithashtu kujdestarinë e përbashkët nëse Pique fiton rezidencën në Shtetet e Bashkuara.