Shembet restoranti në Stamboll, njerëzit bien në det

Një pjesë e restorantit dhe konkretisht ballkoni buzë detit, u shëmb në lagjen Bebek të Stambollit në orën 21:00 të së premtes mbrëma me orën lokale. Sipas informacioneve nga mediat turke, personat kanë rënë në det dhe po punohet për shpëtimin e tyre.

Katër persona u plagosën dhe u dërguan në spital. Në videot e publikuara shihen njerëz në ujë, duke tentuar të dalin jashtë.

Për momentin nuk janë zbardhur rrethanat e sakta në të cilat ka ndodhur ngjarja, ndërsa operacioni për shpëtimin e atyre që kanë mbetur në ujë po vijon ende. Në vendngjarje kanë mbërritur menjëherë ekipet e policisë, zjarrfikësve dhe mjekësore.

İstanbul Bebek’te bir restoranın iskelesinin çökmesiyle denize düşen onlarca müşteri garsonlar tarafından böyle kurtarıldı. pic.twitter.com/GJSq39KjYu

— Haber (@Haber) December 23, 2022