Shërbimi i klimës i BE-së njofton: Shkurti që lamë pas më i ngrohti në kohët moderne

Shkurti që lamë pas ka qenë më i ngrohtë në botë në kohët moderne, thotë shërbimi i klimës i BE-së. Çdo muaj që nga qershori i vitit 2023 ka parë temperatura të reja. Sipërfaqja e detit në botë është më e nxehta e regjistruar ndonjëherë, ndërsa akulli i detit në Antarktidë ka arritur sërish në nivele ekstreme. Temperaturat janë ende duke u rritur nga ngjarja e motit El Ninjo në Paqësor, por ndryshimi i klimës i shkaktuar nga njeriu është deri tani nxitësi kryesor i ngrohtësisë. Përqendrimet e dioksidit të karbonit janë në nivelin e tyre më të lartë për të paktën dy milionë vjet, sipas organit klimatik të OKB-së, dhe janë rritur me nivele gati rekord përsëri gjatë vitit të kaluar. Këto gaze ngrohëse ndihmuan që shkurti i vitit 2024 të bëhej rreth 1,77 gradë Celsius më i ngrohtë se koha “para-industriale”, përpara se njerëzit të fillonin të digjnin sasi të mëdha lëndësh djegëse fosile. /Alsat.mk