Shkalla e varfërisë është 21,9 për qind

Shkalla e varfërisë në vitin 2019 është në të njëjtin nivel me atë në vitin 2018 dhe është 21.9 për qind, njoftoi Enti Shtetëror i Statistikave. Kjo do të thotë që ende çdo i pesti qytetarë në Maqedoni është i varfër. Raporti tregon se varfëria po rritet në mesin e prindërve të vetëm, e cila është mbi 40 për qind, te familjet me tre ose më shumë të rritur dhe është afër 14 për qind, te  familjet me dy të rritur nën 65 vjeç, varfëria është pak më shumë se 18 për qind. Ulja e varfërisë vitin e kaluar është regjistruar në familjet me dy të rritur dhe dy ose më shumë fëmijë.

Nga Platforma Kundër Varfërisë thonë se vitin e kaluar shteti filloi zbatimin e një reforme të mirë për uljen e varfërisë. Por kriza me virusin Korona e ndaloi atë. Plani ishte që kategoritë e rrezikuara të qytetarëve, në vend që të  kënaqen vetëm me ndihmë sociale, të përfshihen plotësisht në tregun e punës dhe të fitojnë një shumë më të denjë për ta kaluar muajin me dinjitet.

Për ne më e rëndësishme është të mos harrojmë të varfrit e ri, të varfrit e ri të punësuar, ato familje që mbetën me një pagë. Që mund të mos jetë në kategorinë e të varfërve dhe është shumë e vështirë t’i përballojnë shpenzimet shtesë financiare që i solli Kovid. Rekomandimi ynë është që masat të mos mbarojnë në momentin kur kriza përfundon, por të zgjasin derisa njerëzit të dalin nga situata e rëndë- deklaroi Biljana Dokovska Platforma kundër Varfërisë.

Qytetarët thonë se jo vetëm gjatë kësaj krize shëndetësore dhe ekonomike, por  për vite me radhë, mezi mbijetojnë.

“Nuk mjafton për asgjë, nuk ka, marr 11 mijë, por për çka. Për shërbime apo për këpucë, për rroba apo për çka. “Nuk ka për shëtitje ose diçka të ngjashme”.

“Vetëm për ushqim del pensioni, për ilaçe dhe pak për veshje.

Sipas hulumtimit të fundit të Bankës Botërore, më shumë se 130 mijë qytetarë të vendit do të rrezikojnë të jetojnë në varfëri deri në fund të vitit. Rreth 10% pritet të zvogëlohen të ardhurat e qytetarëve me të ardhura më të ulëta mujore, dhe deri në 15 % të pjesës tjetër të popullsisë. Studimi i Bankës Botërore tregon se shtresa e mesme do të rritet në mënyrë dramatike në periudhën në vazhdim.

Ile Petrevski