Shkup, 246 sanksione për shkelje të rregullave në trafik
Ministria për Punë të Brendshme (MPB) gjatë ditës së djeshme 03.12.2020 ka vazhduar me kontrollet e shtuara në trafik me çrrastë vetëm në territorin e Qytetit të Shkupit ka shqiptuar gjithsejtë 246 gjoba, prej të cilave 25 për ngasje të makinës pa patentë shoferi, 12 për vetura teknikisht të parregullta dhe të paregjistruara, 15 për rripin e sigurisë, 11 për mbingarkesë, 7 për mosrespektim të këmbësorëve, 68 për parkim të parregullt dhe 47 makina janë marrë nga karrotreci. Ndërkohë për mosmbajtje të maskës janë gjobitur 44 vozitës.
Nga MPB-ja njoftojnë se kontrollet e shtuara do të vazhdojnë edhe në ditët në vijim, andaj apelojnë deri tek të gjithë vozitësit që të respektojnë rregullat dhe të kontribuojnë për sigri më të madhe në Komunikacion.
