Skandali me librat, Shabani: Ky problem daton që nga vitit 2002

Skandali me librin e gjeografisë që u aktualizua ditëve të fundit sipas zv. Ministrit të Arsimit, Arafat Shabani, është një problem që daton që para gati 20 viteve.
“Ky nuk është problem që është detektuar tani. Libri i gjeografisë për të cilin po debatojmë tani është botuar në vitin 2002, para 20 viteve. Pra libri aktual është botuar në vitin 2002, deri tani nuk e di sa herë është ribotuar, dhe ja edhe pas 20 vitesh dalin çështjet. Këtë duhet ta sqarojmë. Absolutisht, ministria aktualisht ka ndërmarr hapa”, tha Arafat Shabani, zv. ministër i Arsimit.