Tifozja atraktive e Argjentinës bëhet gati për finale, merr vëmendjen me pozat provokuese nga tribunat në Katar

Tifozja më seksi e Përfaqësueses së Argjentinës, Luciana Salazar, bëri disa fotografi të mrekullueshme pasi pa vendin e saj që rezervoi një vend në finalen e Kampionatit Botëror 2022.

Luciana pa nga tribuna teksa Argjentina mundi Kroacinë në rezultat 3-0 në gjysmëfinale në stadiumin “Lusail” të martën, shkruan The Sun.

Lionel Messi udhëhoqi kombin e tij në finale duke shënuar gol nga penalltia, gjersa më pas dy golat e tjerë i shënoi Julian Alvarez.

Dhe super fansja argjentinase ndau me ndjekësit në rrjetet sociale disa fotografi të saj duke buzëqeshur nga veshi në vesh e veshur me një fanellë të Argjentinës, kombinuar me një palë pantallona të bardha.

Ajo gjithashtu publikoi një video ku këndonte për Messin bashkë me fansat e tjerë.

Luciana shkroi në mbishkrimin e videos: “Argjentina faleminderit për gjithçka! Kjo është një festë. Djema tani jemi ndezur përsëri…”.

Postimi i saj tërhoqi pothuajse 45,000 pëlqime nga 1.8 milionë ndjekësit e saj në Instagram.

Luciana u bë e njohur në vitin 2010 kur premtoi se do të vraponte lakuriq në rrugë nëse Argjentina do ta fitonte Kampionatin Botëror në Afrikën e Jugut.

Gjithçka filloi kur legjenda argjentinase dhe më pas menaxheri Diego Maradona tha se do të vraponte rreth Obeliskut të famshëm të Buenos Aires pa asnjë rrobë nëse do të fitonte titullin.

Pikërisht atëherë Luciana u zotua t’i bashkohej Maradonës në këtë përpjekje nëse ai do t’i kthente lavdinë kombit të tyre.

Ajo shkroi në Twitter 12 vjet më parë: “Diego, nëse Argjentina fiton, unë do të bashkohem me ju në obelisk!”.