Von der Leyen shkroi në Twitter në maqedonisht dhe zemëroi grekët dhe bullgarët

Pasi kryetarja e Komisionit Evropian, Ursula von der Leyen dhe kryeministri maqedonas Dimitar Kovaçevski e nënshkruan Marrëveshjen e Frontex-it, Kovaçevski me krenari në Facebook theksoi se ajo është nënshkruar në gjuhën maqedonase, pa shtesa, yje dhe fusnota.

Vetë Von der Leyen ka dhënë mbështetje për Marrëveshjen, kështu që ka postuar në Twitter në gjuhën maqedonase dhe ka marrë një numër të madh reagimesh pozitive. Por me këtë ajo tërhoqi vëmendjen edhe të përdoruesve të Twitter nga Bullgaria dhe Greqia, të cilët nuk janë të kënaqur me lëvizjen e saj, ndaj shprehën pakënaqësinë e tyre.

“Kontrata me Frontex që po nënshkruajmë sot është e rëndësishme. Jo vetëm sepse forcon bashkëpunimin tonë në fushën e migracionit. Por sepse është përkthyer në gjuhën maqedonase. Në të njëjtin nivel me të 24 gjuhët e BE-së”, njoftoi Von der Leyen me një video të nënshkrimit të marrëveshjes.

🇲🇰 Договорот со Фронтекс што го потпишуваме денес е важен.

Не само поради тоа што ја зајакнува нашата соработка во полето на миграција.

Туку поради тоа што е преведен на македонски јазик.

На исто рамниште со сите 24 јазици на ЕУ. pic.twitter.com/KWfZbc9fKk

— Ursula von der Leyen (@vonderleyen) October 26, 2022

Po ashtu, Von der Leyen dje njoftoi se BE-ja do t’i japë mbështetje financiare Maqedonisë për t’u përballur me krizën energjetike. Bëhet fjalë për këstin e parë të ndihmës prej 80 milionë eurosh, fonde që do të jenë në dispozicion nga janari i vitit 2023.