Forcat ruse nuk ndalin sulmet, 4 viktima dhe 8 të plagosur në Ukrainë

Forcat ruse vazhdojnë të sulmojnë Ukrainën. Vetëm ditën e djeshme forcat ruse bombarduan të paktën 10 rajone të Ukrainës. Kyrylo Tymoshenko, nënkryetari i Zyrës së Presidentit, tha se të paktën katër persona janë vrarë dhe tetë të tjerë janë plagosur.

Tre viktima u raportuan në rajonin e Kharkiv dhe një në Donetsk. Ndërkohë, tre persona përfshirë një vajzë adoleshente  u plagosën në Kiev.

Gjithashtu janë raportuar të plagosur në Kherson, Kharkiv dhe Donetsk.