“Mijallkov”, Kostovski: Edhe fëmijët e vegjël e kanë të qartë, rast i montuar

Darko Kostovski, deputet nga VMRO-DPMNE në paraqitjen e tij të sotme në “Programin 200” në Alsat tha se rasti aktual me ish shefin e DSK-së, Sasho Mijallkov paraqet defokusim të opinionit nga problemet reale.

“Me këtë situatë ata bënë një cirkus, me të cilin dëshiruan të tërheqin vëmendjen. Edhe fëmijët e vegjël e kanë të qartë se bëhet fjalë për një rast të montuar. Nuk dua të hyj në detaje…Paramendoni rastësisht doli një gazetar para gjykatës dhe rastësisht takoi Sasho Mijallkovin që e kërkon e gjithë policia e Maqedonisë dhe për të cilin ka fletarrest ndërkombëtarë. Bëhet fjalë për një cirkus”, pohoi Kostovski