I riu plagoset me thikë pas një përleshjeje në Prishtinë
Disa të rinj janë përleshur fizikisht mbrëmjen e sotme në lagjen “Emshir” në Prishtinë.
Për pasojë, njëri prej tyre është plagosur me thikë dhe po merr trajtim mjekësor në QKUK.
I riu nuk është në rrezik për jetën.
Policia e Kosovës konfirmoi rastin dhe njoftoi se janë arrestuar tre persona në lidhje me këtë rast.
Sipas autoriteteve, ngjarja ka ndodhur rreth orës 20:00 dhe arrestimi i tre personave është bërë në koordinim me njësitë e stacionit të Fushë Kosovës.