Ish-bashkëshortja e Kevin Costner, Christine Baumgartner, po i kërkon aktorit t’i paguajë asaj 248,000 dollarë si mbështetje për fëmijët.
Deklarata e saj e divorcit nga Costner zbuloi se ylli i Hollivudit fitoi saktësisht 19,517,064 dollarë në vitin 2022, dhe familja shpenzoi 6,645,285 dollarë për shpenzime, pa përfshirë taksat.
Ajo përshkroi në detaje se si çifti udhëtoi nëpër botë me avionë privatë, qëndronte në hotele luksoze dhe shtëpi private. Ata shpenzuan 25,806 dollarë për shpenzimet e varkave, 21,807 dollarë për shërbimet e spa dhe 542,303 dollarë për kopshtarët.
Edhe nëse merr 248,000 dollarë në muaj secila, Christine thotë se kjo do të ishte “mezi e mjaftueshme” për ta, sepse është më pak se ajo që u nevojitet për stilin e tyre normal të jetesës. Ajo thekson se shifra reale është më e lartë.
“Siç u tha më lart, shuma e nevojshme për të mbështetur stilin aktual të jetesës së fëmijëve është 332,264 dollarë në muaj, që është 60 për qind e asaj që shpenzon familja jonë,” shkroi ajo.
Baumgartner gjithashtu dëshiron që aktori të paguajë 100 për qind të shkollimit të tij privat, aktiviteteve jashtëshkollore dhe kujdesit shëndetësor.
Ajo dhe Costner ranë dakord për kujdestarinë e përbashkët dhe janë prindër të 3 fëmijëve – djemve Grace (13) dhe Hayes (14) dhe vajzës Caden (16).
