LSDM: Qeveria e Mickoskit me “patriotë të rremë” me pasaporta bullgare, kërkohet sqarim për interesat që përfaqëson

LSDM ka akuzuar se qeveria e kryeministrit Hristijan Mickoski udhëhiqet nga, siç thotë, “patriotë të rremë” me pasaporta bullgare. LSDM-ja kërkon nga Qeveria të sqarojë qartë se cilat interesa përfaqëson ato maqedonase apo bullgare, duke theksuar se vetëm kështu, sipas tyre, do të zbardhen të pavërtetat që ia atribuojnë kësaj qeverie.

“Bëhet fjalë për Qeveri  me patriot të rremë me pasaporta bullgare. Këto janë përfaqësues të qeverisë që supozohet ta ruajnë identitetin kombëtar të Maqedonisë pikërisht nga bullgarët, por Qeveria dhe i gjithë ekipi është i  mbushur me shtetësi bullgare. Të gjithë ata pa problem mund të kandidojnë në zgjedhjet e ardhshme parlamentare të Bullgarisë, mund edhe në këto zgjedhje të kandidojnë pasi posedojnë shtetësi bullgare,” deklaroi Andrej Zhernovski, LSDM.