Mickoski: Qeveria të mos pranoj ultimatume që nuk janë evropiane
Kreu i VMRO-DPMNE-së, Hristijan Mickoski sonte përmes një prononcimi të jashtëzakonshëm kërkoi nga Qeveria aktuale e udhëhequr nga Zoran Zaev që të mos pranoj kurrfarë ultimatumi nga ana e Bullgarisë, sepse sipas Mickoskit nuk negociohet për identitetin.
“Me historinë tonë, me rrënjët tona, për rrënjët e gjuhës maqedonase nuk ka negociata. I bëj thirrje qeverisë që të mos pranojnë ultimatume që nuk janë evropiane, sepse qeveria e ardhshme e VMRO-DPMNE-së jo që nuk do t’i respektoj por nuk do t’i merr parasysh asnjëherë”, tha Mickoski duke shtuar se Maqedonia meriton që të jetë pjesë e Evropës.
