Алкараз го победи Медведев и го одбрани трофејот во Калифорнија

Шпанскиот тенисер Карлос Алкараз го победи Данил Медведев во финалето на Индијан Велс и со тоа го одбрани трофејот во Калифорнија.

Вториот играч во светот победи со резултат 7-6/5, 6-1, во меч со два различни сета. Во првиот решаваше само една топка, а вториот беше монолог на тенисерот од Мурсија. За време на тај-брејкот од првиот сет, Медведев влезе во конфликт со судијата Мохамед Лајани, велејќи дека „тенисот е посран спорт“.

„Победата на овој турнир ми значи многу. Имав многу падови и проблеми со глуждот. Првиот тренинг со добри спаринг партнери многу ми значеше. Не се обидов да го играм мојот најдобар тенис, не се чувствував најдобро со глуждот, но кога излегов на теренот во првото коло, веднаш се почувствував подобро. По секој меч беше подобро и подобро. Среќен сум за овој трофеј“, изјави Алкараз.

Ова е реванш за Алкараз по само неколку месеци од поразот од Медведев на Австралија Oпен.