Руски хакери нападнале белгиски владини интернет страници

Руски хакери нападнале владини и парламентарни веб-страници во Белгија, вклучително и страницата на премиерот Александре де Кро, јавија локалните медиуми.

Веб страниците вчера попладне неколку часа биле недостапни или имале тешкотии при вчитување.

Одговорноста за нападот ја презеде групата „НоНејм057(16), која претходно се обиде да ги затвори белгиските официјални страници на интернет.

Групата наведе дека нејзините акции се поврзани со помошта што Белгија и ја дава на Украина.

Според белгиските служби за кибербезбедност изминатите месеци зачестиле хакерските напади.