Поранешниот американски претседател Доналд Трамп издаде изјава откако Сенатот одлучи да не го усвои неговото отповикување.
„Сакам прво да се заблагодарам на мојот тим посветени адвокати и други кои неуморно работеа на заштита на правдата и вистината“, рече Трамп.
Тој го осуди обидот на Демократите и повторно го нарече „најголемиот лов на вештерки во американската историја“.
Трамп се осврна и на својата политичка иднина, бидејќи по одлуката на Сенатот, тој може да учествува на следните претседателски избори во 2024 година.
„Нашето историско, патриотско и прекрасно движење „Да ја направиме Америка повторно голема – МАГА“, штотуку започна. Во следните месеци, ќе имам многу што да споделам со вас и со нетрпение очекувам да го продолжиме нашето неверојатно заедничко патување за да ја достигнеме американската извонредност за сите луѓе“, рече Трамп, додавајќи:
„Ни претстои многу работа и наскоро ќе дојдеме со визија за светла, сјајна и безгранична иднина на Америка“.
Американскиот Сенат не го усвои барањето за отповикување на Доналд Трамп, бидејќи не беше потребно двотретинско мнозинство. 57 сенатори гласаа „за“ и 43 „против“, додека беа потребни 67 гласа за усвојување.