Përleshje fizike mes kolegeve në një nga Klinikat e Shkupit

Në njërën nga Klinikat e Shkupit, ka ndodhur përleshje mes dy kolegeve. Rasti është konfirmuar edhe nga Ministria për Punë të Brendshme, nga ku theksojnë se po punojnë në zbardhjen e rastit.

“Me datë 07.11.2022 në ora 13:35 në Stacionin Policor Qendër, S.M.(47) nga Shkupi ka raportuar se rreth orës 12:00 në vendin e saj të punës në njërën nga klinikat në Kompleksin e klinikave “Nënë Tereza” është sulmuar fizikisht nga kolegia e saj. V.M. Policia ka marrë masa për zbardhjen e rastit”, thuhet në njoftimin e MPB-së.