Rikthehet Enca, a jeni gati për “bombat” që premtoi se do t’i plasë?

Këngëtarja Enca Haxhia po rikthehet fuqishëm në muzikë, pas një pushimi të gjatë për shkak të ndërhyrjes në këmbë. Ajo kreu një operacion të vështirë që i kushtoi një regjim shtrati, megjithatë kjo periudhë në shtëpi ka qenë tepër produktive për Encën.

Këngëtarja ka punuar për shumë projekte të tjera, dy prej të cilave i ka totalisht gati. Ajo i ka ndarë më herët dy këngët e saj në Instagram, duke zbuluar titujt dhe një pjesë të secilës prej tyre.

Kënga e parë titullohet “Zemër”, ndërsa kënga e dytë e Encës titullohet “Ndoshta”. Në fakt, kjo e dyta është gati për publikim, siç ka paralajmëruar në InstaStory.

“E para për 2021. ‘Ndoshta’ po vjen së shpejti”- shkruan Enca.

Në fakt, ajo na kishte premtuar hite të zjarrta dhe e ka mbajtur fjalën e saj! Enca nuk ka ndarë ende asnjë detaj më tepër lidhur me datën e publikimit, megjithatë mbetet të presim!