Rona Nishliu bëhet nënë për herë të dytë, ja si ia ka lënë emrin djalit

Rona Nishliu është bërë nënë për herë të dytë! Pak orë më parë, përmes një postimi në Instagram, Rona ndau me ndjekësit lajmin e lindjes së vogëlushit, për të cilin çifti zgjodhi një emër tipik shqiptar.

“Familjes sonë ju shtua ëngjëlli Bardhyl, mbret i zemrave tona. Gëzimi është shtuar apo infinit-shtuar me ardhjen tënde o miniaturë e përkryer!”- shkruan Rona krahas fotos ku shfaqet me bebushin e porsalindur.

Bardhyl- emër tipik shqiptar, i trashëguar nga mbreti i famshëm ilir dhe do të thotë– Bardhë Yll, yll i bardhë.

Rona Nishliu dhe bashkëshorti i saj, Fiori, janë gjithashtur prindër të një vajze, Noa e cila erdhi në jetë në korrik të 2019-ës.