Судбината на претседателката на Врховниот суд Беса Адеми ќе се знае по крајот на годината

Комисијата за потврдување на одговорноста против претседателката на Врховниот суд, Беса Адеми, ја исцрпи расправата за постапката што се води против неа. Расправата се водеше меѓу предлагачот на иницијативата Милазим Мустафа и повиканата Беса Адеми.

Мустафа: Ве молам да одговорите да или не.

Адеми: Овде има комисија и претседател

Сурои: Ве молам, почитувана претседателка, одговорете!

Адеми: Претседателот на Врховниот суд постапува според процедурите предвидени со закон

Адеми рече дека резултатот од оваа постапка ќе биде клучно.

„Резултатот од оваа постапка ќе ја одреди иднината на судството во нашата земја“,рече Беса Адеми, претседателка на Врховен суд.

Барањето за разрешување содржи две точки: нетранспарентност и неучество на седниците на советот. По нивна основа, членот Милазим Мустафа бара советот да ја разреши Адеми. Мустафа ја потсети претседателката на Врховниот суд и за можноста да заврши во затвор.

„Барам Судскиот совет да донесе одлука со која ќе се докаже одговорноста на претседателката на Врховниот суд и истата да биде разрешен од функцијата претседател“, нагласи Милазим Мустафа, предлагач на иницијативата за разрешување.

Оценувачката мисија на ЕУ за работата на Судскиот совет заклучи дека транспарентноста е многу важно прашање за кое треба да работат советот и судовите додека неучеството на претседателката на Врховниот суд на седниците на Советот, не се коси со законот. Записникот од комисијата се доставува до советот во рок од 15 дена. Не го вклучува предлогот за разрешување или парична казна, туку едноставно расправата одржана на седницата. Претседателот на советот го става извештајот на пленарна седница и предлага расправа од која произлегува разрешувањето, паричната казна или опомената. Ваква седница се очекува по празниците на почетокот на годината./алсат.мк

Адријан Керими