Во владата одобрен шести пакет мерки, помош за угостителство, туризам, медиуми

Седум мерки вреди 17,8 милиони евра се дел од шестиот сет економски мерки кои денеска беа одобрени ан владината седница. Помош за справување со последиците од пандемијата ќе добијат угостителите, туристичкиот сектор и медиумите. Се планира угостителскиот сектор да добие неповратна помош од 30 проценти како просек изваден од приходите кои ги имале во изминатите две години. Туристичкиот сектор ќе добие бесплатни 50 илјади ПЦР тестови за странските туристи, а туристичките агенции ќе добијат грантови од 2 до 5 илјади евра. Преку Развојната банка, медиумите ќе имаат можност да аплицираат за бескаматни кредити.