Zaev: Presim që Bullgaria këtë muaj të formojë Qeveri, që të vazhdojmë bisedimet

Kryeministri Zoran Zaev shpreson që Bullgaria të formojë qeveri më së voni këtë muaj. Siç tha Zaev, autoritetet vendase shpresojnë që menjëherë pas kësaj të vazhdojnë negociatat për gjetjen e një zgjidhjeje të përbashkët dhe zhbllokimin e proceseve të integrimeve evropiane të Maqedonisë së Veriut.

“Kemi parë afatet për formimin e qeverisë dhe presim një zgjidhje gjatë muajit prill, dmth të formohet qeveri në mënyrë që të mund të vazhdojmë me bisedimet. Shpresoj do të gjejnë një zgjidhje të mirë, kryesisht në interes të qytetarëve të tyre, popullit bullgar dhe shtetit bullgar, por natyrisht kjo është edhe në interesin tonë. Bëhet fjalë për një shtet fqinj, një shtet mik”, tha Zaev.