МАКЕДОНИЈА
Почина Марјан Додовски, поранешен министер и пратеник
Марјан Додовски (55), поранешен министер за животна средина и пратеник, почина денеска во Клиничкиот центар во Скопје.
Како што објавија дел од медиумите, Додовски починал како последица од компликации со коронавирус.
Веста за смртта ја објави неговата поранешна сопруга, пратеничката на ВМРО-ДПМНЕ, Иванка Василевска.
Додовски беше министер и заменик-министер за животна средина и просторно планирање во првата Влада на ВМРО-ДПМНЕ, кога премиер беше Љубчо Георгиевски. Тој беше пратеник на ВМРО-НП во периодот 2006-2008 година, а едно време беше и на чело на оваа партија. Пред да биде избран за пратеник, беше член на Советот на град Скопје.
