Рекетот на Надал, еден од најскапите тениски реквизити

Рекетот со кој играше Рафаел Надал во неговата победа во финалето на “Ролан Гарос” во 2007 година над Роџер Федерер е продаден за 118.026 долари на аукција, со што доби статус на еден од најскапите тениски реквизити во историјата.

Надал во финалето во Париз во 2007 го совлада Федерер со 6-3, 4-6, 6-3, 6-4, и го освои третиот во неговата колекција од деветнаесет Грен слем титули, од кои дури четиринаесет на “Ролан Гарос”.

Рекетот со кој Надал играше и на претходните дуели на изданието на “Ролан Гарос” во 2007, вклучувајќи го и неговиот триумф во полуфиналето против Новак Ѓоковиќ, досега беше сместен во австралискиот Музеј на тенисот, кој неодамна беше затворен.

Претходните најскапи поединечни аукциски продажби на тениски рекети ги вклучуваат рекетот на Надал од “Австралија Oпен 2022” продаден за 139.700 долари, рекетот „Batlle of the Sexes“ на Били Џин Кин (125.000 долари) и рекетот на Ѓоковиќ од “Ролан Гарос” во 2016 година, кој беше продаден за 107.482 долари./Gol.mk/