Американецот Вес Анселд Јуниор повеќе не е тренер на НБА тимот, Вашингтон Визардс, објавија повеќе светски медиуми. Информацијата ја потврдија и од клубот, а тимот во следниот период ќе биде предводен од неговиот помошник, Брајан Киф.
„После детални разговори со Анселд, заедничка одлука беше да ја прекинеме соработката. Промената беше неопходна за доброто на тимот и сметаме дека овој потег е сосема оправдан. Голема благодарност за досегашниот тренер“, стои во краткото соопштение од управата.
Вес Анселд Јуниор беше тренер на Визардс од 2021 година, а претходно работеше како асистент во Денвер, Орландо и Голден Стејт. Отказот доаѓа како последица на очајната форма на тимот, кој досега забележа само седум победи во НБА лигата.
